قصتي

اللي مرسوم علي التشيرت ده شخصية معروفة في عالم الأنمي و الكارتون دراغون بول z عارف إنه مش باين اووي في الصورة بس انا متاكد إنك شوفته في صفحتي علي instgram لما بنزل بطل جديد و قصة جديدة او في معظم اي post بنزله المهم ده البطل اللي كنت بتمني أكون زيه من صغري و البطل اسمه goku اللي لفت انتباهي ساعتها إن كان أبطال الأنمي و الكارتون بيتولدوا بقوتهم الخارقة زي سوبر مان و غيرهم ، لكن goku كان دايما في الأنمي بيسعي ويجتهد ودايما كان بيتمرن و بيحاول يحسن من نفسه ومن قوته عشان يقدر يكسب الشرير فريزر اللي موت شعبة و اهله و اصدقائه ده اللي خلاني أفهم ان مش دايما الإبطال بيتولدوا زي سوبر مان و ده أصلًا بيكون مصيرهم ، وانك عشان تكون بطل قصتك ده بيكون اختيارك انت مش مصيرك و ان الابطال الحقيقين هما اللي بيصنعوا نفسهم بنفسهم ... ومن خلال سعيك و جهدك هتكون البطل اللي كنت بتتمناه كل اللي عليك انك تسعي و توكل علي الله ❤️.

وأخيرًا وانا من ساعتها قررت إني اكون زي البطل goku و اول حاجة عملتها غيرت nickname جو وبقي جوكو علي وزن اسم البطل المفضل بالنسبالي من صغري .

جوكو وصل يا ابطال و لسه هكمل سعي ووعد مني مش همل ولا هدي الا لما اوصل لي كل اللي بتمناه باذن الله 🙏🏻

وربنا يكرمكوا و يكرمني و تحققوا احلامكم و احقق احلامي 💪🏻.
٢٠٢١